ზოგი ოჯახი შვილებს ხელობას ან პროფესიას გადასცემს. მელინების ოჯახმა კი შვილებს, განსაკუთრებით ჰელენს, რომელიც ბავშვობიდანვე ესთეტიკური ხედვით გამოირჩეოდა, გაცილებით ძვირფასი რამ, სივრცის შეგრძნება აჩუქა.

უკვე 35 წელია, რაც მელინების ოჯახი საფრანგეთში დასახლდა, იქ, სადაც სიმშვიდე, არქიტექტურა და ცხოვრების ფრანგული ხელოვნება (Art de vivre) ერთმანეთს ერწყმის. სწორედ ამ გარემოში დაიბადა და გაიზარდა ჰელენი.

თინეიჯერმა გოგონამ უკვე ზუსტად იცოდა, რომ ოთახი არ არის უბრალოდ იატაკი, კედელი და ჭერი. მისთვის სივრცე ყოველთვის იყო განწყობა, ხასიათი და ცოცხალი პიროვნება. მამის სახლში ყოველი ავეჯის ნაჭერი თავის ამბავს ყვებოდა, დედის დახვეწილი გემოვნება კი სახლს სიმშვიდითა და სითბოთი ავსებდა.

ჰელენმა მთელი თავისი ბავშვობა ინტერიერისა და ლანდშაფტის დიზაინის სამყაროში გაატარა. ოჯახთან ერთად მოგზაურობამ ევროპის საუკეთესო კულტურულ ცენტრებში, საფრანგეთის მყუდრო რეგიონებიდან, მილანის მაღალ მოდასა და ბარსელონას თამამ არქიტექტურამდე, ჩამოუყალიბა გემოვნება, რომელიც დღეს MELINI-ის ფილოსოფიას განსაზღვრავს.

საქართველო - მისი ოჯახის სამშობლო, ქვეყანა, რომელსაც საფრანგეთიდან ყოველთვის განსაკუთრებული სიყვარულით „სახლს" ეძახდნენ ახალი, თანამედროვე ეპოქის ზღვარზე იყო. ჰელენმა თავისი ახალგაზრდული მაქსიმალიზმითა და ევროპული ხედვით იგრძნო, რომ საქართველოში დადგა დრო, სივრცეებს მიეღოთ ახალი ენა: დახვეწილი, პერსონალური, ემოციური და მაღალი სტანდარტის.

სწორედ ასე დაიბადა MELINI — 35-წლიანი ოჯახური ტრადიციის, ფრანგული დახვეწილობისა და ახალგაზრდა ქალის თამამი ხედვის შერწყმით.

MELINI დღეს მხოლოდ ავეჯი არ არის. ეს არის ფილოსოფია, რომლის ცენტრშიც ადამიანი, მისი კომფორტი და მის გარშემო შექმნილი ჰარმონიული სივრცე დგას.